فقیہ قاضی ( عیاض) ابوالفضل رحمہ اللہ فرماتے ہیں:<br />اللہ عزوجل کا یہ فرمان حضور ﷺ کے لیے اس کی بارگاہ میں عزت و عظمت ،شرافت و منزلت اور آپ ﷺکی بزرگی پر بڑی حجت ہے کیونکہ آپ ﷺ کے قلب مبارک کو ایمان و ہدایت کے لیے کھول دیا، علم و حکمت کی صیانت و حفاظت کے لیے وسیع کر دیا اور جاہلیت کے بوجھ کو آپ ﷺ سے دور کر دیا اور جاہلیت کی عادات و خصائل کو جس پر یہ لوگ تھے، ان کا دشمن بنا دیا، آپ ﷺ کے دین کو ان کے دینوں پر تبلیغ رسالت و نبوت فرما کر غالب کر دیا اور آپ ﷺ کے اوپر سے رسالت و نبوت کے شدائد کو جو تبلیغ رسالت کی صورت میں پیش آتی تھیں محفوظ کیا اور جو کچھ آپ ﷺ پر نازل کیا گیا، آپ ﷺ نے ان سب کو پہنچا دیا اور آپ ﷺ کو اعلیٰ مرتبہ عنایت فرمایا، آپﷺ کے نام کے ذکر کو اتنا بلند کیا کہ اپنے نام کے ساتھ آپ ﷺ کا نام ملا دیا۔<br />حضرت قتادہ رضی اللہ عنہ فرماتے ہیں کہ آپ ﷺکے ذکر کو دنیا و آخرت میں اتنا بلند کیا کہ کوئی خطیب یا کلمہ شہادت کہنے والا یا نماز پڑھنے والا ایسا نہیں جو<br />أشهد أن لا إله إلا الله وأشهد أن محمدا رسول اللہ نہ کہے۔ (دلائل النبوہ ج۷ ص ۶۳)<br /><br />کتاب کا مکمل نام: الشفا بتعریف حقوق المصطفیٰ ﷺ<br /> مختصر نام: الشفا شریف <br />مصنف: ابوالفضل قاضی عیاض مالکی اندلسی رحمۃ اللہ علیہ<br /> مترجم: حضرت سید مفتی غلام معین الدین نعیمی رحمۃ اللہ علیہ<br /><br />#Shorts<br />#ShanEMustafa<br />#Quran<br />#Seerat<br />#Islamic<br />#Islam<br />#ProphetMuhammad<br />#ThinkGoodGreen
